ഒടുവില്‍...?

എരിഞ്ഞൊടുങ്ങിയാല്‍
തീരുമോ സ്വപ്നങ്ങള്‍...?

ചാരം പുണര്‍ന്നെഴുന്നേല്‍ക്കില്ലേ
മോഹത്തിന്റെ ഫീനിക്സ് പക്ഷികള്‍...?!

എന്നിലെ ഞാനും
നിന്നിലെ നീയും
എരിഞ്ഞൊടുങ്ങുക തന്നെ ചെയ്യും

ഒടുവില്‍...?

ഓര്‍മ്മ

.
സൂക്ഷിച്ചു വെച്ച
മഞ്ചാടിമണികളില്‍
കുപ്പിവളപ്പൊട്ടുകളില്‍
പുസ്തകത്തിനിടയിലെ
മയില്‍പ്പീലി തുണ്ടുകളില്‍
ഞാന്‍ പരതിയപ്പോഴൊക്കെ
കണ്ടുകിട്ടാത്തതെന്തായിരുന്നു?

വെട്ടുകല്‍ചുവരിന്റെ
ഇടുക്കുകളിലൊന്നിലും
വിഴുപ്പുഗന്ധം പേറുന്ന
പഴന്തുണിക്കെട്ടിലും
ഞാന്‍ പരതിയപ്പോഴൊക്കെ
കണ്ടുകിട്ടാത്തതെന്തായിരുന്നു?

ഞാനും വരുന്നു...

ഞാനും വരുന്നു...നിങ്ങള്‍ക്കൊപ്പം

അങ്ങിനെ ഞാനും ബ്ലോഗിലേക്കു വരുന്നു. എന്റെ സന്തോഷങ്ങള്‍ പങ്കുവെയ്ക്കാന്‍. ഒരു പുലി പോയിട്ട് എലി പോലുമല്ലാത്ത എന്നെ പ്രോത്സാഹിപ്പിക്കുമെന്ന വിശ്വാസത്തോടെ ഞാനെന്റെ സന്തോഷങ്ങള്‍ ഇവിടെ പങ്കുവെയ്ക്കുന്നു.

ഞാന്‍ സന്തോഷ്, മാര്‍ക്കറ്റിങ്ങ് മേഖലയില്‍ ജോലി ചെയ്യുന്നു. മാസത്തില്‍ പകുതിയിലേറെ ദിവസം ബാംഗ്ലൂരില്‍, പിന്നെ നാട്ടില്‍ തിരുവനന്തപുരത്തും. ഞാനൊരു പകുതി പ്രവാസിയാണ് എന്ന് പറയാം :)

സ്നേഹപൂര്‍വ്വം

സന്തോഷ്