ഇളംകാറ്റിലാടുന്ന തേങ്ങാക്കുലകൾ

ന്താപ്പോ ഇങ്ങനൊരു സംശയം‌ ഉണ്ണ്യായരേ?

കാര്യണ്ട്ന്ന് കൂട്ടിക്കോളൂ ഹാജ്യാരേ..ങ്ങള് ചോദ്യച്ചേനു സമാധാനം പറ

അദ്പ്പോ ഇളം‌കാറ്റിൽ തേങ്ങാക്കുല ആടോ എന്നൊക്കെ വച്ചാ...ചെന്തെങ്ങിന്റെ കുല ആണേലാടുംന്നല്ലേ പ്രമാണം?

അല്ല, തെറ്റ്.. ഇളംകാറ്റിൽ തേങ്ങാക്കുല ആടും, നല്ല അസ്സലായിത്തന്നെ.

എയ്. അപ്പ് ങ്ങളല്ലേ ഇത്രകാലം‌ കാറ്റിൽ തേങ്ങാക്കുല ആടില്ലാന്നു പറഞ്ഞു നടന്നേ, ദെന്താപ്പോണ്ടായേ?

ബിര്യാണീന്ന് പറേണ സാധനം‌ കഴിച്ചട്ടുണ്ടോ ഹാജ്യാരേ ങ്ങള്? അതൊന്ന് കഴിക്കീൻ‌.. അതു കഴിച്ചപ്പഴല്ലേ നിക്ക് ബോധോധയം‌ ഉണ്ടായേ.

ഹല്ല, ഇന്നാളല്ലേ നിങ്ങടെ ഒരു വീൽച്ചെയറിലിരുന്നു പ്രസംഗിക്കണ ചങ്ങായി തേങ്ങാക്കുല കാറ്റിലാടില്ല എന്നു പറഞ്ഞെ..ആ നമ്മുടെ പ്രഷർ‌കുക്കറിന്റെപോലത്തെ പേരുള്ള ആളേ..സ്റ്റീഫൻ‌ ഫോക്കിങ്ങ്.. നിങ്ങടൊക്കെ നേതാവ്?

ഹാ, ദിതു കണ്ടാ ഹാജ്യാരേ..ഈ പൊതി എന്താന്നു വച്ചാ? ങ്ങ്ക്കറിയാലൊ ന്റെ മനസ്സ്. ഞാൻ‌ മാത്രം‌ നന്നായാ പോരാ, ലോകം‌ മുഴുവൻ നന്നാവണം‌..അതാന്റെ സ്വപ്നം.

സ്വപ്നോം പൊതീം തമ്മിലെന്താന്റെ ഉണ്ണ്യായരേ ബന്ധം?

ഹായ്, ങ്ങളു വെടിവെക്കാതെ.. ഇതു വീൽച്ചെയർ‌ ചങ്ങായിക്കുള്ളതാ.. ബിരിയാണി. മാത്രമല്ല, ബോഞ്ച്യൊള്ളം ഉണ്ടാക്കനുള്ള കുറിപ്പടീം‌.. അതൊന്നു ഉള്ളിൽ ചെന്നാലുടനെ പുള്ളി ചാടി എണീറ്റ് തേങ്ങാക്കൊല ആ‍ട്ടാൻ‌ തുടങ്ങും‌..ഇതൊന്നു കൊറിയറയക്കണം‌

അല്ല ഉണ്ണ്യായരേ അപ്പൊ യുക്തിവാദോം തേങ്ങാക്കൊലേം നല്ല കോമ്പിനേഷനാണല്ലേ?

പിന്നല്ലാതെ, ബിര്യാണി അടിച്ച ശേഷം യുക്തിവാദം ..അതാ നമ്മടേ ഇപ്പൊഴത്തെ ഒരു സ്റ്റൈൽ‌..ഏതു?

ഹയ്, ങ്ങളെങ്ങടാ ഓടണേ..

ഹാജ്യാരേ, ഇന്നു പത്ത് കവലേൽ ബിരിയാണി മാഹാത്മ്യവും‌ അഞ്ചിടത്ത് തേങ്ങാക്കുല ആട്ടക്കഥയും പറയാന്നൊരു വാക്ക് കൊടുത്തിട്ടുണ്ടാർ‌ന്നേ..തങ്കപ്പേട്ടൻ‌ അമ്പലം‌പണിക്കുള്ള ധർണേം കഴിഞ്ഞ് എന്നെ കാത്ത് കവലേലുണ്ടാവും‌. ഇന്നത്തെ പ്രോഗ്രാം‌ ഞങ്ങളൊരുമിച്ചാ...പിന്നെ കാണാം‌..

[ഈ പോസ്റ്റ് ഇനിയും മനസ്സിലായില്ലെങ്കില്‍; ലോകത്തെ മുഴുവന്‍ ജനങ്ങളും (ബ്ലോഗര്‍മാരടക്കം) മധുര മനോജ്ഞ സദാചാരിക ധാര്‍മ്മിക സനോണീ ബോധത്തിലേക്ക് വരുവാന്‍ ഈയിടെ ബിരിയാണി അടിച്ചു ഏമ്പക്കം വിട്ട് ബോധോധയം വന്ന ബ്ലോഗറുടെ ഇടയ(എടങ്ങേറു)ലേഖനങ്ങള്‍ വായിക്കുവിന്‍]

സായിപ്പും മലയാളിയും തമ്പാനൂരില്‍

ദൈവത്തിന്റെ സ്വന്തം നാട് കാണാന്‍ കേരളത്തിലെത്തിയ ഒരു സായിപ്പ് തമ്പാനൂര്‍ ബസ്സ് സ്റ്റാന്‍ഡിലെത്തി. സംസ്ഥാനത്തിന്റെ സഞ്ചാര ശകടത്തില്‍ തലസ്ഥാന നഗരം ചുറ്റിസഞ്ചരിച്ചു കാണാം ആദ്യം എന്ന തീരുമാനത്തില്‍ ബസ്സിനുള്ളില്‍ കയറി ഇരുപ്പുറപ്പിച്ച സായിപ്പ് ബസ്സിനകം വീക്ഷിച്ചപ്പോള്‍ പ്രാദേശിക ഭാഷയില്‍ നിരവധി നിര്‍ദ്ദേശങ്ങള്‍. മലയാളമറിയാത്ത സായിപ്പ് തൊട്ടടുത്തിരുന്ന മലയാളിയോട് വിവരം ആരാഞ്ഞു. മലയാളി സായിപ്പിനോട് വിശദീകരിച്ചു.

“സായിപ്പേ, അത് ബസ്സിനുള്ളിലിരിക്കുന്നവര്‍ക്ക് ഉള്ള നിര്‍ദ്ദേശങ്ങളാണ് “

“അതായത്..... കയ്യും തലയും പുറത്തിടരുത്....

പുകവലി പാടില്ല...

സ്ത്രീകളുടെ സീറ്റില്‍ ഇരിക്കരുത്.....

വികലാംഗര്‍ക്ക് മാത്രം സംവരണം ചെയ്ത സീറ്റ്.....

ചവിട്ടു പടിയില്‍ നില്‍ക്കരുത്......”

എല്ലാം കേട്ടിരുന്ന സായിപ്പ് ഒരു നിമഷം ആലോചിച്ചു, എന്നിട്ട് മലയാളിയോട് ചോദിച്ചു :

“അല്ലാ... ഇതൊന്നും എഴുതിവെച്ചില്ലെങ്കില്‍ ഈ നാട്ടിലെ ആളുകള്‍ ഇതൊക്കെ ചെയ്യുമോ?”

.........................